Fyrsta umhverfisvottaða íbúðarhúsið á Íslandi mun rísa við Brekkugötu 2 í Garðabæ.

Hér er hægt að kynna sér allt um húsið, markmiðið með og hvatann að baki verkefninu, lausnir og álitamál. Fylgstu með okkur á Facebook og Instagram þar sem við sýnum og segjum frá framkvæmdunum sem hefjast í sumar.

Að ýmsu þarf að huga

Við erum búin að fara í gegnum allt ferlið, frá skipulagi að framkvæmd, rekast á ýmsar hindranir og finna lausnir við vandamálum, og nú langar okkur að auðvelda öðrum að ráðast í samskonar verkefni.

Af hverju umhverfismerkt hús?

Það hefur verið draumur hjá okkur í mörg ár að byggja vistvænt hús á Íslandi. Þegar við fórum í nám til Gautaborgar árið 1995 þar sem Finnur ákvað að snúa við blaðinu og bæta umhverfisfræði við viðskiptafræðina. Á þeim tíma var umhverfisfræði ekki heitasta málefnið en þessi ákvörðun hefur hins vegar mótað okkar frá því.

Lóðin í Urriðaholti

Húsbyggjendur voru búin að ganga með hugmyndina að byggja vistvænt hús í mörg ár en hún var síðan endurvakin vorið 2015 þegar Halldóra Hreggviðsdóttir hjá Alta hefur milligöngu um að hefja samtal milli Urriðaholts og húsbyggjenda um verkefnið.

Vottunarkerfið

Skilyrði fyrir verkefninu að húsið skyldi vera vottað af óháðum þriðja aðila. Það eru fjölmörg kerfi sem koma til greina og við skoðuðum flest þeirra út frá markmiðum verkefnisins og þá helst að húsið þarf að vera byggt á markaðslausnum sem á að vera hægt að gera “mainstream” á Íslandi.

Þórdís og Finnur

Finnur er viðskiptafræðingur frá HÍ sem venti sínu kvæði í kross og skellti sér árið 1995 til Gautaborgar til að læra umhverfisfræði. Gautaborg varð fyrir valinu þar sem Þórdís fór í sérnám á Östra sjúkrahúsinu (nú Sahlgrenska) í hjartalækninum. Þau bjuggu í 12 ár í Partille (margir kannast við Partille Cup í handbolta) áður en þau fluttu aftur til Íslands árið 2007. Þórdís er hjartalæknir á Landsspítalanum, með stofu hjá Læknasetrinu í Mjódd auk ýmissa annara starfa. Hún er formaður GoRed á Íslandi og í stjórn HL stöðvarinnar Finnur hefur lengst af starfað sem ráðgjafi á sviði umhverfismála og samfélagsábyrgðar. Hann vann við byggingu álversins á Reyðarfirði þegar það var í byggingu, var sérfræðingur hjá Landsbankanum í samfélagsábyrgð en helgar tíma sínum í húsbyggingu og ráðgjöf þessa dagana. Finnur er stjórnarformaður Festu, miðstöð um samfélagsábyrgð fyrirtækja og formaður skíðagöngufélagsins Ullur. Þórdís og Finnur eiga tvö börn. Svein sem er í rafmagnsverkfræði í Chalmers í Gautaborg og Arndísi Evu sem er í mastersnámi í sálfræði við HÍ.

Samstarfsaðilar

Við höfum fengið nokkur fyrirtæki sem hafa sambærilega sýn og við að gera byggingariðnaðinn umhverfisvænni. Markmiðið er að þau geti á auðveldan máta leiðbeint einstaklingum og fyrirtækjum í sambærilegum hugleiðingum að byggja umhverfisvottað hús.
Uploaded image

Urriðaholt

Landeigandi

Urriðaholt ehf

Urriðaholt ehf er þróunaraðili Urriðaholts og er sá aðili sem tók ákvörðun um að fá Breeam Communities umhverfisvottun fyrir norðurhlutan þar sem Brekkugata 2 er staðsett
Uploaded image

Batteríið

Arkitektar

Batteríið arkitektar

Sigurður Einarsson hjá Batteríið arkitektar er hönnunarstjóri hússins. Þau bera þungan af því að finna lausnir sem uppfylla viðmið Svansins
Uploaded image

VSB

Verkfræðistofa

VSB verkfræðistofa

VSB er ábyrgt fyrir verkfræðihönnun hússins og að finna og innleiða nýjar hugmyndir í bygginguna sem geta orðið markaðsráðandi í framtíðinni
Uploaded image

Byko

Birgir byggingarefnis

Byko

BYKO er aðalbirgir byggingarvara og -efnis í húsið. Markmiðið er að þau viti allt um leyfileg byggingarefni í vistvæn hús þegar verkefninu er lokið
Uploaded image

Mannverk

Verktaki

Mannverk

Mannverk er aðalverktaki og leyfishafi Svansins fyrir byggingu hússins. Þegar verkefninu er lokið ætla þau að kunna allt um að byggja Svansvottuð hús, fjölbýli og skóla
Uploaded image

Landslag

Landslagsarkitektar

Landslag

Landslag er hönnuður lóðaruppdrátta og lóðar. Þeirra áskorun er að gera lóðina sem náttúrulega og sem mest viðhaldsfría
Uploaded image

BM Vallá

Birgir steypu

BM Vallá

BM Vallá sér okkur fyrir steypu. Þeirra áskorun er að minnka kolefnisfótspor steypunnar og að við notum sem umhverfisvænasta steypu þar sem hægt er
Uploaded image

Gámaþjónustan

Lausnir í úrgangsmálum

Gámaþjónustan

Gámaþjónustan á að tryggja rétta meðhöndlun aukaafurða á verkstað og að innleiða bestu meðferð þeirra fáu afurða sem við berum með okkur en þurfum ekki þegar heim er komið
Uploaded image

Reykjafell

Birgir raflagnaefnis

Reykjafell
Raflagnaefni

Reykjafell sér um allt raflagnaefni í húsið og á að tryggja að það sé að mestu halogenfrítt
Uploaded image

GKS

Innréttingar og innihurðir

GKS

Eldhús og baðinnréttingar eru umhverfisvottaðar og koma frá Nobilia í Þýskalandi í gegnum GKS. Aðrar innréttingar eru frá GKS
Uploaded image

Íspan

Speglar og öryggisgler

Íspan

Fallvarnarhandriði úr gleri og speglar eru frá Íspan

Greinar